Un mira bèk riba Selebrashon 70 aña Statüt
Gobernador di Kòrsou, Su Ekselensia Lucille George-Wout, a habri Kas di Gobernador pa públiko riba djasabra 14 i djadumingu 15 di desèmber 2024 (Dia di Reino). E apertura akí a tuma lugá na okashon di selebrashon di 70 aña di eksistensia di Statüt pa Reino Hulandes.
Den, i rondó di Kas di Gobernador tabatin diferente aktividat durante e wikènt di Dia di Reino, entre otro rekorido, tayer i eksposishon. Museo Mongui Maduro i Konseho Elektoral a prepará dos kamber ku un parti di nan kolekshon. E parti akí tin keber ku realisashon di e statüt i e desaroyo pa un demokrasia parlamentario pa èks Antia Hulandes i pa Kòrsou. Kustwacht Caribisch Gebied a duna un demostrashon den Bahia di Santa Ana riba ámbos dia.
Djasabra 14 di desèmber a klousurá ku un anochi kultural plasentero den kurá di Kas di Gobernador.
Djadumingu 15 di desèmber e apertura di Kas di Gobernador a klousurá di manera spesial. A tuma lugá un kòmbersashon na mesa rondó ku Promé Minister Pisas, Presidente di Parlamento America-Francisca i Presidente di Korte De Kort. Nan a representá ‘trias politica’. Minister Van Heydoorn (OWCS) i rèktòr anterior di UoC De Lanoy tambe a partisipá. Huntu nan a papia tokante di statüt i futuro di outonomia di Kòrsou. E kòmbersashon akí a tuma lugá na e mesun mesa na kua 70 aña pasa na Lanthùis Rooi Katochi a prepará statüt.
