Prosedura di opshon

E prosedura akí ta dura un promedio di seis pa nuebe luna despues di a presta e deklarashon di opshon. Personanan ku ta apliká pa siudadania hulandes pa medio di opshon, mester kumpli ku vários rekisito.

Pasonan prosedura di opshon
	Kiko e solisitante ta hasi?	Kiko gabinete di gobernador ta hasi?
1.	Solisitá informashon.	Suministrá informashon.
2.	Mustra dokumento na gabinete di gobernador.	Verifiká outentisidat di dokumentonan i kontrolá si nan ta kompleto.
3.	Presta deklarashon di opshon i (laga) yena otro formulario si mester.
4.	Paga gastu (sèn di opshon).
5.		Investigá i evaluá e solisitut.
6.		Konfirmá e optenshon di siudadania hulandes, òf rechasá e konfirmashon.
7.		Den kaso di otorgamentu: invitá e solisitante pa e seremonia di naturalisashon. Den kaso di rechaso: informá e solisitante tokante di e desishon.
8.	Den kaso di otorgamentu: presensiá e seremonia di naturalisashon i presta deklarashon di solidaridat (huramentu òf promesa). Den kaso di rechaso: eventualmente entregá opheshon.
9.	Renunsiá otro nashonalidat (si mester).

Gastu pa opshon entrante promé di yanüari 2025*:
Produkto	Gastu
opshon; singular	Cg. 442,-
opshon; kolektivo	Cg. 755,-
opshon; menor di edat ku tambe ta opta	Cg. 48,-

* Anualmente ta indeksá e gastunan pa solisitut di siudadania hulandes dor di opshon òf naturalisashon.

Kliente por paga ku tarheta na florin karibense (XCG) na Gabinete di Gobernador di Kòrsou.

Foyeto

Den nos foyeto 'Kon bo por bira Hulandes? E prosedura na Kòrsou' por lesa mas tokante di ámbos prosedura pa bira hulandes na Kòrsou.

Riba e página akí di IND por lesa mas informashon tokante ken por bira hulandes pa medio di opshon. Ta informá tambe tokante e rekisitonan ku mester kumpli kuné i kon e proseso ta kana.

Prosedura di opshon

Pasonan prosedura di opshon

Gastu

Foyeto