Pòrtrèt Ofisial nobo pa Kas di Gobernador Kòrsou

Notisia | 19-09-2024 | 18:00

Riba djaweps 19 di sèptèmber 2024, Su Ekselensia Gobernador di Kòrsou, Lucille George-Wout, a risibí e pòrtrèt nobo di Su Mahestat Rei Willem Alexander, pa Kas di Gobernador na Kòrsou. A develá e kuadro na Galerie De Twee Pauwen na Den Haag.

E pintor Karel Buskes a traha e kuadro riba petishon di Gabinete di Gobernador di Kòrsou. Buskes a traha tambe e pòrtrèt ofisial aktual di Su Mahestat Rei ku ta kologá den Kas di Gobernador for di 2013.

Pronto lo barka e kuadro nobo pa Willemstad, kaminda e lo haña su lugá na Kas di Gobernador. Públiko por mira e kuadro pa promé biaha riba 14 i 15 di desèmber, ora ku lo habri Kas di Gobernador den kuadro di 70 aña di eksistensia di e Statüt pa Reino Hulandes i selebrashon di Dia di Reino.

Den Haag, 19 di sèptèmber 2024

Aumenta imágen

Gobernador di Kòrsou i su esposo ta pará den un kamber blou banda di e pòrtrèt ofisial nobo di Su Mahestat Rei. E pòrtrèt ta tapá ainda ku un pintura di mucha riba un duki.

Aumenta imágen

Gobernador di Kòrsou i e pintor di e pòrtrèt ofisial nobo ta develá esaki dor di baha e duki for di e kuadro.

Aumenta imágen

Pòrtrèt di Gobernador di Kòrsou durante ku e ta duna su speech, pará banda di e Pòrtrèt ofisial nobo.